ಹುಟ್ಟು ಸಾವಿನ ನಡುವೆ
ಸುಳ್ಳು ಸತ್ಯದ ಹಾದಿ
ಓಡಿ ನಡೆಯುತ
ನಡೆದು ನಿಲ್ಲುತ
ನಿಂತು ನರಳುತ
ಬದುಕೇ ಮುಗಿಯಿತಾ?
ಭಯದ ನೆರಳಲಿ
ದಾರಿ ಬದಲಿಸಿ
ಮನದ ಮರುಳಲಿ
ಕನಸ ಕರಗಿಸಿ
ಧನದ ಉರುಳಲಿ
ಪಯಣ ಸಾಗಿಸಿ
ಬಾಳ ಸವೆಸಬೇಕಿದೆ!
ಜಗದಿ ಗುರಿಗಳು ಬಹಳ
ಮುಟ್ಟುವ ಮನಗಳು ವಿರಳ
ಸೋಲಿನ ಮನೆಯಲಿ
ಗೆಲುವಿನ ನೆರಳು
ಕಾಣದೆ ಕಂಡ ನಲಿವಿಗೆ
ಬದುಕು ಮರುಳು!
ಮುಂದೆ ನೋಡದೆ
ಹಿಂದೆ ಕೇಳದೆ
ಜೊತೆಗೆ ನಡೆದ ಕಾಲು ಜಾರಿದೆ;
ಕೆಳಗೆ ಬೀಳುತ
ಮೇಲೆ ನೋಡುತ
ಎಲ್ಲ ಮರೆಯುತ
ಜೀವನ ಮೆರೆಸಬೇಕಿದೆ!
ಮುಗಿಯಿತೆನ್ನುವ ಮುನ್ನ
ಕೊನೆಯ ದಿಬ್ಬಣವು ಚೆನ್ನ
ಬೆಳಗಲು ಸತ್ಯದ ಜ್ವಾಲೆ
ಹುಸಿಯ ಸಮಾಧಿಯ ಮೇಲೆ
ಮರಣಕು ಮಂದಹಾಸದ
ಮೊಗವ ತೊಡಿಸಿ ಬದುಕಬೇಕಿದೆ
ಒಮ್ಮೆ ಬದುಕಬೇಕಿದೆ!!
ಸುಳ್ಳು ಸತ್ಯದ ಹಾದಿ
ಓಡಿ ನಡೆಯುತ
ನಡೆದು ನಿಲ್ಲುತ
ನಿಂತು ನರಳುತ
ಬದುಕೇ ಮುಗಿಯಿತಾ?
ಭಯದ ನೆರಳಲಿ
ದಾರಿ ಬದಲಿಸಿ
ಮನದ ಮರುಳಲಿ
ಕನಸ ಕರಗಿಸಿ
ಧನದ ಉರುಳಲಿ
ಪಯಣ ಸಾಗಿಸಿ
ಬಾಳ ಸವೆಸಬೇಕಿದೆ!
ಜಗದಿ ಗುರಿಗಳು ಬಹಳ
ಮುಟ್ಟುವ ಮನಗಳು ವಿರಳ
ಸೋಲಿನ ಮನೆಯಲಿ
ಗೆಲುವಿನ ನೆರಳು
ಕಾಣದೆ ಕಂಡ ನಲಿವಿಗೆ
ಬದುಕು ಮರುಳು!
ಮುಂದೆ ನೋಡದೆ
ಹಿಂದೆ ಕೇಳದೆ
ಜೊತೆಗೆ ನಡೆದ ಕಾಲು ಜಾರಿದೆ;
ಕೆಳಗೆ ಬೀಳುತ
ಮೇಲೆ ನೋಡುತ
ಎಲ್ಲ ಮರೆಯುತ
ಜೀವನ ಮೆರೆಸಬೇಕಿದೆ!
ಮುಗಿಯಿತೆನ್ನುವ ಮುನ್ನ
ಕೊನೆಯ ದಿಬ್ಬಣವು ಚೆನ್ನ
ಬೆಳಗಲು ಸತ್ಯದ ಜ್ವಾಲೆ
ಹುಸಿಯ ಸಮಾಧಿಯ ಮೇಲೆ
ಮರಣಕು ಮಂದಹಾಸದ
ಮೊಗವ ತೊಡಿಸಿ ಬದುಕಬೇಕಿದೆ
ಒಮ್ಮೆ ಬದುಕಬೇಕಿದೆ!!