ಬುಧವಾರ, ಏಪ್ರಿಲ್ 3, 2013
ಸೋಮವಾರ, ಏಪ್ರಿಲ್ 1, 2013
ಹೃದಯದ ಕರೆಯೋಲೆ....
ಸಾವಿರ ಕವಿಗಳ ಪದಗಳ ಸಾಲ ಪಡೆದು,
ನೂರು ನಾಲಿಗೆಯೊಳು ನಲಿದ ಎರವಲು ವಾಕ್ಯದಿ,
ಹತ್ತು ಅನಿಸಿಕೆಗಳಿಂದ ಅಲಂಕರಿಸಿ,
ಬರೆದೆನೊಂದು ಪತ್ರವ ಗೆಳತಿ;
ಕನಸಿನ ಲೇಖನಿ ಹಿಡಿದು,
ಬಯಕೆಯ ಶಾಹಿ ಸುರಿದು,
ಹುಟ್ಟಿದ ಪದ ಮುತ್ತುಗಳು
ನಿನ್ನೊಡಲ ಸೇರುವ ತವಕದಿ,
ಬರೆದೆನೊಂದು ಪತ್ರವ ಗೆಳತಿ;
ಉತ್ತರದ ನಿರೀಕ್ಷೆಯ ಗೋಪುರವ ಕಟ್ಟಿ,
ಕಾತರದ ಚೆಲುವಿಗೆ ಮರುಳನಾಗಿ,
ಕಲ್ಪನಾ ಲೋಕದ ನಿವಾಸಿಯಾಗಿ,
ಮನದ ಮರದ ಕೋಗಿಲೆಯ ಗಾನದೊಳು,
ಬರೆದೆನೊಂದು ಪತ್ರವ ಗೆಳತಿ;
ಸೇರಲದು ನಿನ್ನ ಕಣ್ಣಿನರಮನೆಯ,
ಹೃದಯದಂಗಳದ ಹೂಮಳೆಗೆ
ಚಿಗುರಲೊಂದು ಪ್ರೇಮ ಗುಲಾಬಿ;
ಇದಕ್ಕೆ ಸಬ್ಸ್ಕ್ರೈಬ್ ಆಗಿ:
ಪೋಸ್ಟ್ಗಳು (Atom)