ನೀ ಬರುವವರೆಗೆ..

ಈ ಮನಸಿರುವುದು ನನಗರಿವಿರಲಿಲ್ಲ

ನೀ ಬರುವವರೆಗೆ..

ನನ್ನ ಬದುಕ ಶೃಂಗಾರ,

ಬದಲಾವಣೆಯ ಅಲಂಕಾರ,

ನಿನ್ನ ಕಣ್ಣಲ್ಲಿ ನನ್ನ ನಾ ಕಾಣಲೆಂದೆ;

ನೆನ್ನೆಯವರೆಗೆ ಈ ಕನಸು ಗಾಳಿಪಟ,

ಈ ರಾತ್ರಿ ನಿನ್ನ ನಗುವಿನ ಮಗು,

ಇಲ್ಲದಿರುವುದೆಲ್ಲ ಕಾಣುವ ಸತ್ಯ,

ಇರುವುದೆಲ್ಲ ನಾಳಿನ ಮಿಥ್ಯ;

ನಿನ್ನೊಲವಿನ ಮಾಯೆ ಜಗದ ಮಿತಿಯ ಮರೆಸಿದೆ,

ನವೋಲ್ಲಸದ ಜೇನಾ ಉಣಿಸಿದೆ,

ಎನಾದರೂ ನೀ ಬರೀ ನೆನಪೆ,

ಆ ನೆನಪಲಿ ಈ ಬದುಕು ಸೊಗಸೇ??

ಮೌನ ಬದುಕು!!!!

ನನ್ನ ಬದುಕಲಿ ನನ್ನ ನಾ ಕಾಣಲಿಲ್ಲ,

ಈ ಮನದ ಮೌನವು ಮಾತಾಗಲಿಲ್ಲ,

ಹುಡುಕಿ ಹೊರಟ ಸೊಗವು ಸತ್ಯವಲ್ಲ;

ನಾ ಗಳಿಸಿದ ನನ್ನದಾವುದೂ ನನ್ನದಲ್ಲ,

ಕ್ಷಣಿಕ ಆಸೆಗೆ ಕಾಲದ ಅರಿವಿಲ್ಲ,

ಕತ್ತಲೆಯೊಳು ಬಣ್ಣದ ಕಲ್ಪನೆಯೇ ಬದುಕಾಯಿತಲ್ಲ;

ಪ್ರೇಮಪಕ್ಷೀಯು ಸ್ವಾರ್ಥಪಂಜರದಿ ಬಂಧಿಯಾಯಿತಲ್ಲ;

ಕನಸಿಗೂ ನೋವ ತೆರಿಗೆಯ ಕಟ್ಟುವವರು ನಾವು,

ಮುರ್ಖರೊಳು ಜಾಣತನವ ಅಳೆಯುವವರು ನಾವು,

ನಗುವ ನಾವು ಈ ಮನಸು ಮಗುವಾಗುವ ಹಾಗೆ,

ನಾವಾಗುವ ನಾವು ಉದಿತವಾಗುವ ಮುನ್ನ

ನಮ್ಮೊಳಗಿರುವ ಸಾವು!